Inyanunsyo ti United Kingdom ti panangipaay ti kanayunan a £450M a gatad ti military support idiay Ukraine.
Naiwaragawag ti anunsiyo kasaruno ti panag-host ti UK ken Germany iti 27th Ukraine Defense Contact Group idi Biernes idiay Brussels.
Daitoy met ti umuna a gundaway a ti defense secretary ti UK ken Germany ket nangidaulo iti nasao a saritaan agsipud ta idadauloan idi ti panagtataripnong ti defense secretary ti Estados Unidos, malaksid iti naan-anay a nagtugaw kas Presidente ni Donald Trump idi Enero.
Segun iti Ministry of Defense, ti baro a dakkel nga military support package ket tapno matulongan pay nga agpapigsa ti puwersa armada ti Ukraine iti baet ti agtultuloy a depensa da kontra Russia.
Karaman iti nasao a military package ket ti £160M a pondo ti UK para iti repair ken maintenance dagiti sasakyan ken equipment nga inted ti pagilian da iti Ukraine.
Kanayon pay iti military aid package ket iti radar systems, anti-tank mines, ken ti ginasut a ribo a drones nga aggatad ti nasurok £250M.
