LA UNION – Naitabonen dagiti 20 a bangkay dagiti persons deprived of liberty (PDLs) a saan nga innala iti cacabagyan da idiay New Bilibid Prison idiay Muntinlupa City.
Segun kenni Bureau of Corrections Director General Gregorio Pio Catapang Jr., naitabon dagiti PDL’s idiay New Bilibid Prison Cemetery idi Oktubre 24 agdama a tawen.
Kinuna na a nakakaasi iti sitwasyon dagiti natay a PDLs a saan a nabisita ti pamilya da, ngem naikabil da itan iti umno a tanem, iti NBP Cemetery ken nai-tugkelan da pay ti kandela.
Kabayatanna, maibasar iti datos ti nasao nga ahensya ket umabot iti 384 a bangkay iti saan pay nga innala ti pamilya da iti pagbaludan ken penal farms iti intero a pagilian.
