LA UNION – Manamnama a maidatagan ti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a baro kalpasan a matiliw iti naisayangkat a buy bust operation idiay Brgy. Magsaysay, Tubao, La Union.
Nabigbig ti suspek a ni Roberto Gabat Jr, maysa a drug surrenderee ken residente ti Barangay Gonzales iti nasao a lugar.
Naala maniud kenkuana ti 2 sachet ti maatap a nagango a bulong ti marijuana ken P200 bill a naaramat kas buy bust money.
Iti agdama ket nakabalaod pay laeng ti suspek para iti naan-anay a disposisyon.
