LA UNION – Nakaituding nga ag-import ti Pilipinas iti saan a bumaba ti 200,000 metric tons ti refined sugar inton bulan ti Setiembre ita a tawen.
Panggepna a punnuan ti manamnama a kinakurang ti suplay sakbay ti harvest season iti pagilian.
Segun kenni DA Secretary Francisco Tiu Laurel, posible a bumassit ti suplay ti refined sugar inton Agosto ken Setiembre.
Inlawlawag ni Sugar Regulatory Administration administrator Pablo Azcona a paset ti Sugar Order ti agdama a crop year ti programa ti panagangkat ti DA.
Iti babaen daytoy, mapalubosan dagiti pre-qualified importers nga ag-import iti asukar no gumatangda iti asukar manipud kadagiti lokal a producers.
