Nakatuding nga iwaragawag ti Development Budget Coordination Committee (DBCC) ti national budget ti Pilipinas para ti tawen 2026 a dumanon ti agingga P6.793-T.
Ti nasao a gatad ket 7.4% a nangatngato met ita a 2025 national budget nga aggatad met ti P6.326-T ken 22% ti gross domestic product ti pagilian.
Segun iti Department of Budget and Management (DBM), ti umuna a naawat da a singasing ket P10.101=T ngem nangisayangkat da pay kadagiti evaluations kadagiti agbalin a programa ken proyekto.
Innayon met ni Budget Secretary Amenah Pangandaman a ti 2026 national budget ket nakapamaysa kadagiti investments iti quality educations, healthcare, ken workforce upskilling.
Kabayatanna, agtultuloy met latta ti investment para ti Build Better More Infrastructure Program ken digital transformation.
