Impaganetget ni Senator Imee Marcos a nasken nga idauloan ti Department of Economic Planning and Development (DEPDev), sigud a NEDA, ti panagbalangkas ti 2026 national budget.
Segun kenni Senador Marcos, maysa kadagiti kangrunaan a nagsurat ti DEPDev sadiay Senado a babaen ti Republic Act 12145 a nangaramid ti ahensiya iti napigpigsa a mandato tapno idauloan ti direksyon pang-ekonomiya ti Pilipinas babaen dagiti data-driven policies, long-term planning ken strikto nga oversight kadagiti national projects.
Inyunay-unay ti mamanday-linteg a nasken a nakasentro ti panagplano ti budget ken panangilatag ti economic strategy ti DEPDev kas lead agency ti masakbayan ti ekonomiya ti pagilian.
Impunto ti senadora a ti trabaho ti DEPDev ket nasursurok pay ngem iti macroeconomic parameters.
Kasapulan nga adda iti sentro ti budget process iti departamento ken tumultulong iti panangipaay ti alokasyon tapno masungbatan ti kangrunaan a prayoridad ken long-term development goals.
