LA UNION – Manamnama a maidatagan ti kaso a panaglabsing iti R.A. 9165 wenno Comprehensive Dangerous Drugs Act of 2002 iti maysa a 21-anyos a baro, kalpasan a makumpiskaran ti iligal a droga, partikular iti marijuana, bayat ti kaadda na iti maysa a club wenno pag-iinuman ditoy syudad ti San Fernando.
Nabigbig ti suspek iti nagan a Jupiter Balisong, baro, ken residente ti Baguio City.
Iti pannaki-uman ti Bombo Radyo La Union kenni Geronimo Ancheta, head bouncer iti saan metten a nainaganan a club, kinapkapan na iti suspek ket positibo a nakaala iti posesyon daytoy, iti maysa a container a maipagarop a naglaun ti marijuana.
Nupay kasta, maipagarop a pinaglibakan ti suspek nga ikot na iti nasao nga iligal a droga a makunkuna a naala ti bouncer iti bulsa daytoy.
