“Panalo na puso” dagiti Pilipino, iti 22 nga atleta a mangibagi iti Pilipinas idiay 2024 Paris Olympics.
Segun dayta kenni Speaker Martin Romualdez nga ipagpannakkel ken pagyamyamanan iti sambayanang Pilipino dagitoy ti ipakpakita da nga performance kontra kadagiti kalalaingan nga atleta ditoy lubong.
Mangnamnama iti bunggoy ti Pilipinas a mabatugan wenno masurokan pa ti nagbalin nga performance ti pagilian idi 2021 Tokyo Olympics nu sadno 14 nga medalya iti nagun-od ti atletang Pinoy pakairamanan iti kaunaan a gold medal babaen kenni Hidilyn Diaz iti 55kg category weightlifting.
Inyunay-unay ni Speaker Romualdez nga sibubukel iti suporta ti administrasyon ni Presidente Ferdinand “Bongbong” Marcos Jr. iti panagay-ayam ti Pinoy athletes ti Olympics.
Nu pay kasta, saan a nakadwa iti Paris Olympics ni Diaz kakadwa iti delegasyon iti sabali pay nga Tokyo Medalist nga isuda Eumir Marcial (bronze, Tokyo), Nesthy Petecio (silver in Tokyo) ken Carlo Paalam (silver in Tokyo) a puro boksingero.
Karaman pay iti world-class athletes iti gymnast a ni Carlos Edriel Yulo, pole vaulter EJ Obiena, rower Joanie Delgaco, boxers nga isuda Aira Villegas ken Hergie Bacyadan, hurdlers nga isuda Lauren Hoffman ken John Cabang Tolentino, Kayla Sanchez ken Jarrod Hatch nga swimmers, gymnast a ni Aleah Finnegan, fencer a ni Samantha Catantan, ken 15 pay a sabali.
