Impaayan ti gobierno ti United Arab Emirates (UAE) ti pardon dagiti 220 a Pilipino a naibalud iti nadakamat a pagilian.
Naaramid ti pardon kagiddan ti pannakalagip ti maika-53 a National Day ti UAE ken ti inaramid a representasyon ni Presidente Ferdinand Marcos Junior ken ti counterpart na.
Tradision met ti liderato ti UAE a mangipaay iti pardon kagiddan ti selebrasionda iti National Day.
Inwaragawag ti gobierno ti UAE ti pannakaited ti pardon kadagiti naibalud a Pilipino idi Disiembre 26, 2024 gapu iti naisangsangayan a panaggayyem dagiti dua a pagilian.
Resulta met daytoy ti panagsarak da Presidente Ferdinand Marcos Junior ken His Highness Sheikh Mohamed Bin Zayed Al Nahyan, Presidente ti United Arab Emirates, idi Nobiembre napan a tawen.
Madaman nga ipoproseso ti Department of Foreign Affairs ken ti Philippine Embassy sadiay Abu Dhabi dagiti documentary ken administrative requirements para iti panagsubli dagiti pardoned Filipinos idiay UAE.
Naibalud dagiti napakawan a Pilipino gapu iti nadumaduma a panaglabsing; idi Hunio 2024, agdagup iti 143 a Pilipino ti naibalud idiay UAE ken napardonan metlaeng gapu iti selebrasyon da iti Eid al-Adha.
