LA UNION – Dead on arrival iti Balaoan District Hospital ti maysa a construction worker kalpasan daytoy a nagdive iti swimmingpol ti resort idiay Barangay Poblacion, Santol, La Union.
Nabigbig ti natay a biktima a ni Ferdinand Manalo, 23, residente ti Barangay Macabato, idiay ili ti Aringay.
Segun kenni Police S/Insp. Felipe Ruiz Jr. Officer In Charge ti Santol Police Station, agin-inom ti arak ti biktima kadua ti uppat a sabsabali idi immuli daytoy tapno agdive ngem napukawan ti balanse a rason ti pannakatinnag na iti swmmingpool ken timmama ti ulo na iti semento.
Nupay kasta, saan nga inkaskaso ti biktima iti pannakaitugtog na ngem ketdi nag-tumbs up pay daytoy kadagiti kakaduana.
Naudin idi mautop dagiti kakaduana na a saanen nga immaon pay ti biktima iti swimmingpool.
Malamlamayan met itan ti bangkay ti biktima iti pagtaenganda.
