LA UNION – Unopposed iti 25 barangay chairman candidates manipud iti 36 a barangay idiay ili ti Balaoan, La Union kalpasan nga awan ti naggandat a lumaban kadagiti nasao a kandidato.
Naammuan ti Bombo Radyo kenni S/Ins. Jeoffrey Sanchez, OIC ti Balaoan Police Station, siyam laeng a barangay iti masakupanna a lugar iti addaan ti agbabalubal a kandidato para kapitan.
Sigun kenni Sanchez, uray no adda dagiti unopposed candidates iti nasao nga ili ket adalen wenno bantayanda met laeng a naimbag ti eleksyon sadiay tapno maipanamnama a naurnos iti panaglippas daytoy.
Ti ili a Balaoan ket maysa kadagiti lugar idiay La Union a mapagsasaritaan tunggal no adda ti maiyuswat nga eleksyon gapu ta adu iti gundaway nga adda dagiti unopposed a kandidato sadiay. (Absalom Flores)
