BR LA UNION – Nagballaag ti Philippine Atmospheric, Geophysical and Astronomical Services Administration (PAGASA) nga adda 25 a lugar ditoy pagilian ti makapadas iti napeggad a heat index levels manipud 42°C agingga iti 45°C inton bigat, Abril 14.
Idiay NAIA Pasay City ken 24 pay a dadduma a lugar ket makapadas ti “danger level” heat index, segun iti PAGASA.
Dagitoy dagiti lugar a posible a makadas ti heat index a nangatngato ngem ti 43°C:
- NAIA Pasay City
- Echague, Isabela
- Sangley Point, Cavite City
- Dagupan City, Palawan
- Tuguegarao City, Cagayan
- Cubi Pt., Subic Bay, Olongapo City
- San Ildelfonso, Bulacan
- Ambulong, Tanauan Batangas
- San Jose, Occidental Mindoro
- Dipolog, Zamboanga del Norte
Dagiti lugar a makarikna met ti 42°C heat index:
- Baler, Aurora
- Iba, Zambales
- Muñoz, Nueva Ecija
- Camiling, Tarlac
- Hacienda Luisita, Tarlac City
- Puerto Princesa City, Palawan
- Cuyo, Palawan
- Virac (Synop), Catanduanes
- Iloilo City
- Dumangas, Iloilo
- La Granja, La Carlota, Negros Occidental
- Catarman, Northern Samar
- Zamboanga City, Zamboanga del Sur
- General Santos City, South Cotabato
- Butuan City, Agusan del Norte
Ti heat index ket iti pudot a marikna ti bagi a maibasar iti kombinasyon ti temperatura ken dam-eg wenno humidity.
Segun pay iti weather bureau, ti heat index a 42°C agpangato ket adda iti sidong ti “danger category,” ket posible iti heat cramps, heat exhaustion, ken heat stroke.
Mabalakadan iti publiko a liklikan ti pannakaisarang iti init, nangruna iti tengnga ti aldaw, uminom ti adu a danum, ken agusar iti proteksiyon kas iti payong wenno kallugong.
