LA UNION – Arestado iti 3 a lallaki kalpasan a naaktuan dagiti otoridad a nangisayangkat ti pallot idiay Barangay San Antonio, Aringay, La Union, idi malem ti Domingo, June 27.
Dagiti naarestar ket pakaibilangan iti maysa a 20-anyos a poultry boy, residente ti Barangay Halog West, Tubao, La Union; maysa a 42-anyos a lalaki ti Barangay Leones West; ken maysa a mister, residente ti Barangay San Antonio, Aringay, La Union.
Nakumpiskar manipud kadagiti suspek iti 2 a pangpallot a manok, 10 a tari ken pusta a dumanon ti P2,270,00.
Naipasidong iti Aringay Police Station dagiti suspek ken sumangsango dagitoy iti kaso a panaglabsing ti Presidential Decree No. 449 wenno cockfighting law.
