BR LA UNION – Arestado iti tallo a mangngalap gaputi iligal a panagkalap iti kabaybayan idiay Brgy. Santiago Norte, Caba, La Union.
Babaen iti insayangkat a seaborne patrol iti nagtipon a puwersa ti Caba Police Station, Philippine Coast Guard, ken Caba Municipal Fisheries Law Enforcement Team na-intercept da iti tallo a banca a maipagarop a mangisay-sayangkat ti illegal fishing iti kabaybayan, agarop alas 10:15 ti bigat idi Martes, Enero 21.
Segun kenni PCOL HERYL L BRUNO, director iti La Union Police Provincial Office, nabigbig dagiti tallo a mangngalap a residente ti ili nga Agoo, Aringay, ken Bauang.
Kinumpiskar dagiti otoridad iti nasurok kumurang a 250 a kilo ti naduma-duma a lames nga agbalor ti P12,500, manipud kadagiti tallo a bangka.
Dagiti suspek ken nakumpiskar a lames ket naiturong iti Caba Municipal Agriculture Office para iti proper documentation ken disposition.
Segun pay kenni Col. Bruno, napatawan dagiti suspek iti administrative fine a P2,000 tunggal maysa gaputi panaglabsing iti Chapter V, Section 74 iti Caba Municipal Ordinance No. 2004-001 Series of 2004.
