LA UNION – Isagsaganan ti pulisya ti kaso a panagtakawan kontra kadagiti tallo a babbai a maipagarup a nagtakaw kadagiti gudgets iti uneg ti maysa a shop idiay Barangay San Nicolas Norte, ili ti Agoo, La Union.
Naammuan ti Bombo Radyo manipud iti Agoo Police Station, maipagarup a nagpammarang a costumer dagiti suspek a simrek ti nasao a shop.
Base iti naala a video footage ti CCTV camera, maipagarup a binagkad dagiti babbai ti maysa a kahon a naglaon kadagiti naduma-duma nga electronic gudgets nga agbalor iti P20,000.
Agtaltalinaed iti pagbaludan dagiti suspek kabayatan a saan pay a rimmuar iti resolusyon manipud ti piskalya mainaig iti sangsanguen dagitoy a kaso.
