LA UNION – Napilitan iti organizer a kanselaren dagiti tallo a concert ni American pop star Taylor Swift idiay Austria gaputi pangta ti terorismo.
Nakatauding koma a mangisayangkat ti tallo a rabii a concert ni Swift manipud Agosto 8 agingga 10 idiay Ernst Happel Stadium, Austria.
Innayon pay dagiti organziers nga adda kumpirmasyon iti gobyerno ti Austria seknan iti terror attack, isunga awan ti maaramidan da nu saan a kanselaren iti concert para iti kinatalged ti amin.
Siniguro da nga amin a nakagatang ti tickets ket maisubli ti bayad kadakuada.
Immuna ti daytoy, adda iti dua a suspek a naaresto dagiti otoridad idiay Austria nga agpada a sympathizer ti Islamic States.
Nakumpiskar iti balay ti 19-anyos a suspek iti sumagmamano a chemical substance a mabalin nga usaren iti panangisaknap ti terorismo.
