Pinasingkedan ti Department of Migrant Workers (DMW) a dumanon ti agingga 200K Filipino workers ti kasapulan ti Austria manipud inton sumaruno a tawen.
Segun iti DMW, karaman kadagitoy ti skilled tourism ken hospitality workers kasta met dagiti unskilled workers a maideploy kadagiti tourist destination ti nagduduma a paset ti Austria kas iti Tyrol, Salzburg, Upper Austria, Lower Austria, Vienna, Styria, ken Carinthia.
Agkasapulan pay ti Austria kadagiti technicians iti sector ti data processing, voltage building, ken high-voltage/low-systems; business administration ken mechanical engineering.
Kabayatanna, machine fitters nga addaan ti nangato nga academic credentials met iti birbiruken da sadiay Upper Austria.
Bilbilinen ti DMW dagiti Filipino migrant workers a mayat nga agnaed sadiay Austria ti nasursurok ngem maysa a tawen nga agapply para iti Red-White-Red Card.
Daitoy a programa ket mangidiaydiaya ti residence ken employment permit ti agingga dua a tawen ken mabalin pay daitoy a ma-extend.
Sakopen daitoy ti skilled workers kas iti construction, engineering, ken healthcare.
