BR LA UNION – Tiniliw dagiti otoridad iti tallo a drug suspects iti naisayangkat nga anti-illegal drug operation idiay Barangay Saracat, San Juan, La Union itay agsapa, Oktubre 22, 2025.
Dagiti suspek ket nabigbig kas: maysa (1) iti high value indivbidual (HVI) ken dua (2) iti barbaro a maibilang kas Street-level Individuals (SLI).
Dagiti suspek ket maipagarop nga agar-aramid ti illegal drug trade wenno agilaklako ti ilegal a droga, agpapada dagitoy nga adda ti umno nga edad, ken residente ti Barangay Cabaroan, San Juan, La Union.
Nakumpiskar dagiti otoridad kabayatan ti operasyon iti: nasurok-kumurang a dua (2) gramo ti maatap a shabu, addaan ti standard prize a ₱13, 600 ken sumagmamano a non-drug items.
Sumangsango dagiti suspek ti kaso a panaglabsing iti RA 9165 wenno Comprehensive Dangerous Drugs Act of 2002.
Ti ballaygi nga operasyon ket nagbinnuligan ti San Juan Police Station, PDEA–LUPO, RID PRO1, RMFB1, LUPDEU, LUPIU, RIU1, PIDMU, ken LUMARPSTA.
