LA UNION – Madama nga im-imbestigaran iti pulisya dagiti tallo a macho dancers a maipagarup a natiliwan nga agar-ramat
iti droga idiay uneg ti Sleep n’ Drive Inn idiay Barangay Catbangen, syudad ti San Fernando, La Union itattay ala-1:45 ti
parbangon.
Nabigbig dagiti suspek nga isuda Ryan Malazarte, 25; Kevin Bryan De Guzman, 31; ken Dareckson Bastasa, 26, agpapada a
tubo ti San Pedro, Laguna ken agtrabtrabaho iti gay bar idiay syudad.
Nagkaddua a rimmaut dagiti kameng ti San Fernando City Police ken Philippine Drug Enforcement Agency iti nasao nga inn
kasaruno iti pannakaduktal kadagiti suspek a maipagarup nga agar-aramat ti droga.
Nakompiskar dagiti operatiba iti dua a sachet a naglon iti maatap a shabu, dua a sachet iti maatap a marijuana, ken dagiti
drug paraphernalia.
Bin-ig a pinaglibakan met dagiti suspek nga agar-aramatda ti droga ken imbagada a trabaho da laeng iti mangipaay ti ragsak
kadagiti costumer ti panggepda iti lugar.
Kabayatanna, naidatag metten idiay piskalya ti kaso a panaglabsing iti Comprehensive on Dangerous Drugs Act kontra
kadagiti suspek.
Immuna iti daytoy, idi napalabas a lawas ket lima a lallaki iti inaresto ti pannakabagi ti linteg gapu iti maipagarup a
panagaramat iti droga kabayatan nga addada kadagiti nagsina a motel idiay syudad.
