LA UNION – Naidatagen idiay piskalya ti kaso a panagtakaw kontra iti tallo a mangngalap a maipagarup a nangholdap iti padada a mangngalap idiay tengnga ti baybay a masakupan iti Barangay Alaska, ili ti Aringay, La Union.
Sigun kenni Chief Ins. Daniel Banan, hepe ti Aringay Police, dagusda a tiniliw dagiti suspek gapu iti reklamo ti biktima kalpasan nga intaray daytoy iti 100 kilos a bulilit a nakalapanna idiay baybay.
Maipagarup a naglugan iti maysa a bilog dagiti suspek ken rinaudda ti biktima nga agpaigiden idiay baybay tapno ilako dagiti nakalapna a lames.
Awan ti naaramidan ti biktima no saan nga ited ti nakalapna a lames kadagiti suspek gapu iti pangta dagitoy nga isuna ketr tagbatenda.
Naammuan nga adu a mangngalap ti agrereklamo kadagiti suspek gapu iti kapada nga aramid a panangagaw iti nakalapan a lames idiay baybay.
