LA UNION – Naidataganen iti kaso a panaglabsing ti Comprehensive on Dragerous Drugs Act dagiti tallo a lallaki a maipagarup nga agpa-pot session iti uneg ti maysa a maysa a lodge idiay Barangay Madayegdeg, syduad ti San Fernando, La Union.
Nabigbig dagiti suspek nga isuda John Jabonete, 31, lending collector, residente ti Barangay San Francisco, ken Ronnie Ver Gaba, 35, cook, residete ti Barangay Santiago Norte idiay syudad; ken Jonathan Ornido, 20, student, residente ti Barangay Tabo, ili ti San Juan, La Union.
Nagkaddua a rimmaut iti San Fernando City Police ken Philippine Drug Enforcement Agency iti maysa a silid ti Jasmine Lodge kalpasan a makaawat dagitoy ti impormasyon a maipagarup nga agar-araman ti droga dagiti suspek.
Narekobre manipud kadagiti suspek iti tallo a sachet a naglaon iti maatap a shabu ken drug paraphernalia.
Dukduktalen iti pannakabagi ti linteg ti pakabigbigan iti supplier ti droga a maipagarup a pagal-alaan dagiti suspek.
