LA UNION – Tallo ti nasugatan iti napasamak a panagdinnungpar ti truck ken tricycle iti kawatiwatan ti Brgy. Pagdalagan Norte, San Fernanco City, La Union.
Nabigbig dagiti biktima a da Efren Abuan, 31, baro; Mario Patacsil, 23, baro; ken Rodernie Armas, 30, baro, agpapada a residente ti Barangay Pagdalagan Norte.
Iti imbestigasyon ti San Fernando City Police Station, napasamak ti aksidente idi makadinnungpar ti truck a minaneho ni Silverio Dela Cruz, 54, addan asawa, residente ti Brgy. Cruz, San Carlos City, Pangasinan, ti tricycle a minaneho ni Arvin Madayag, 28, baro ken residente ti Barangay Parian Este, iti ili a Bauang.
Agpapada met nga naiturong iti Ilocos Training Regional & Medical Center (ITRMC) dagiti biktima tapno mataming.
