BR LA UNION – Kinumpirma ti Civil Aviation Authority of the Philippines (CAAP) a nakarwaren iti pagilian dagiti tallo kadagiti 10 nga air assets a konektado kenni resigned Ako Bicol Rep. Zaldy Co.
Segun kenni CAAP Director General Raul Del Rosario, immuna a rimwar iti pagilian ti maysa nga helicopter idi Agosto 20.
Simmaruno ti Gulfstream 350 idi Agosto 16 ken maysa pay a helicopter idi Setyembre 11.
Maibasar iti listaan ti CAAP, nagturong idiay Singapore iti Gulfstream jet, bayat nga idiay Kota Kinabalu, Malaysia a nagturong iti dua a helicopter.
Awan pay ti waragawag seknan iti isyu manipud iti kampo ni Co wenno siasinuman a cabagyan daytoy.
