LA UNION – Ibilang ti Philippine Institute of Volcanology and Seismology (Phivolcs) a senyales nga agpaut pay ti abnormalidad iti Taal Volcano ti napasamak a tallo a phreatic eruption events.
Nailista daytoy iti napalabas nga aldaw ken saan nga agpapada a time interval.
Iti napasamak a panagbettak ket nagpaut ti dua agingga walo a minuto.
Nupay awan ti nai-record a volcanic earthquake, adda met iti Sulfur Dioxide flux (SO2) a dumanon iti 3,176 tonelada kada aldaw.
Agtaltalinaed ti upwelling ti nabara a volcanic fluids iti dan-aw ti Taal.
Iti naipugso a plume ket aganay 2,100 metro ti kangato na ken maibilang a napigsa a panag-singaw.
Nagturong daytoy iti amianan-a-daya ti bulkan idiay probinsiya ti Batangas.
Naamwan nga adda ground deformation iti istraktura ti bulkan nga indikasyon ti posible pay nga abnormalidad daytoy nga agpaut ti sumagmamano a lawas wenno bulan.
