BR LA UNION – Inlawlawag ti National Security Council (NSC) nga ordinaryo nga umili ken saan nga ispiya dagiti tallo a Pilipino a naipadamag a naaresto idiay China.
Iti maysa nga statement, imbnga ni NSC spokesperson Ass. Director-General Jonathan Malaya a naalarma iti ahensiya kadagiti kaso a pang-iispiya nga iyak-akusar ti People’s Republic of China kontra kadagiti a 3 Pilipino.
Impaganetget ti opisyal, a dagiti tallo a 3 Pinoy a naaresto ket sigud a recipients ti Hainan Government Scholarship Program a nabuangay maiyannurot iti katulagan iti baetan ti probinsiya ti Hainan ken Palawan a nangipaay ti scholarships iti 50 scholars manipud Palawan tapno agadal idiay Hainan National University.
Impaganetget ti opisyal a dagitoy ket ordinaryo nga umili nga awanan ti military training a nagturong laeng idiay China gaputi imbitasyon ti gobyerno ti China tapno sadiay nga agadal. Nupay kasta, dagitoy ket sumursurot iti linteg ken awanan ti criminal records ken nainget ita nga am-amirisen ti Chinese government sakbay a simmangbay dagiti tallo dtoy pagilian.
Kinuwestyon pay ti NSC iti inawaganna nga edited video nga inruar ti Chinese media a mangipak-pakita iti maipagarop a panangaklon dagiti naarestar a Pilipino.
Kabilang iti porsyon ti imbaga ti maysa kadagiti Pilipino nga agbabbabawi, ket nalawag a par-parwaren ti China iti positibo a kapanunutan.
Dinakamat pay ditoy iti Philippine Intelligence Agency wenno Philippine Spy Intelligence Service, banag nga awan met ti kastoy nga ahensiya ti gobyerno. Isutgapuna kunana nga scripted iti panangaklon dagiti naaresto a Pilipino.
Ti pannakatiliw dagiti 3 a Pilipino ket kit-kitaen dagiti otoridad nu maysa daytoy a panagibales ti China iti agsasaruno a lehitimo a pannakatiliw dagiti espiya nga Intsik ken dagiti kakaduada ditoy Pilipinas kadagiti napalabas a bulan.
Mainaig iti daytoy, impanamnama ti NSC a ti kangrunaan a prayoridadda ket ti kinatalged ken pagimbagan dagiti naaresto a Pilipino.
Agtultuloy ti pannakitinnulong ti ahensiya iti Department of Foreign Affairs (DFA) ken iti Philippine Embassy idiay China tapno masigurado a makaawatda iti maitutop a legal support ken due process iti tengnga dagiti nadagsen a pammabasol kontra kadakuada.
Inallokoy pay ti gobierno ti Pilipinas iti Chinese government a respetuenda ti karbengan dagiti natiliw a Pilipino ken ipaayanda iti gundaway a mangdalus iti naganda kas iti panangrespeto ti karbengan dagiti Chinese nationals ditoy Pilipinas.
