BR LA UNION – Nakasangpeten ditoy pagilian dagiti 31 nga Overseas Filipino workers (OFW) nga immakar manipud Middle East.
Sinabat dagiti kameng ti Overseas Workers Welfare Administration (OWWA) ken Department of Migrant Workers (DMW) dagiti nasao nga OFWs idiay Ninoy Aquino International Airport.
Dagiti 31 nga OFW ket pakaibilangan ti 26 a Filipinos manipud Israel, tallo manipud Jordan, maysa idiay Palestine ken maysa manipud Qatar.
Naglugan dagitoy ti Qatar Airways Flight QR 934 ken simmangpet da idiay NAIA pasado alas-8 ita a rabii.
Dagtoy ti umuna a batch dagiti napa-akar a Pinoy sipud timpuar ti riribok iti baetan ti Israel ken Iran.
Kinuna ni DMW Secretary Hans Leo Cacdac, nga agapaman a naitantan iti flight gaputi temporaryo a panangsuspendi ti Qatari iti air traffic.
Segun kenni Cacdac, maipaayan ti tulong dagiti nasao nga OFW.
Manipud iti pakabuklan a 30,000 a Filipinos idiay Middle East, addan ti 311 a nagtungpal iti repatriation.
