Naitabonen idiay Taal Lake dagiti 34 a mammallot a mapukpukaw ti uppat a tawen, segun iti maysa a suspek.
Kinuna ni alias ”Totoy” a pinatay da dagiti biktima babaen ti panangbekkel usar iti wire. Innayon na pay nga amin dagitoy ket natakutan a mangkatkatyor ti laban dagiti manok.
Gapo iti pangta ti pamilya na ket nagdesisyon isunan nga agsao ken nagsapata nga ibutaktak na amin nga ammo na ken ti pudno nga mastermind iti panangpatay. Nadakamat na pay nga adda metlaeng ti maysa a druglord a karaman kadagiti imbelleng da idiay Taal Lake.
Iti agdama ket agtultuloy latta ti Department of Justice ken Philippine National Police ti imbestigasyon kadagiti suspek. Pagaammo nga innem a security guards ti karaman kadagiti mapukpukaw: Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, ken ni Roberto Matillano Junior.
