BR LA UNION – Umabot iti 37 a tattao ti natay kalpasan ti napasamak a flash floods idiay Morocco.
Nailumlom iti layos ken pitak dagiti lugan iti nakaru a panaglayos idiay Safi region.
Nadadael ti saan a bumaba ti 70 a babbalay kalpasan nga inyanod ti napegges a layos.
Naiturong iti ospital ti adu a residente kalpasan a nagsagaba dagitoy ti sugat manipud kadagiti naiyanod a debris.
Agtultuloy ti isay-sayangkat a search and rescue operations dagiti otoridad kadagiti mapukpukaw a residente.
Nangigubway ti nalawa a flash floods ti sumagmamano nga aldaw a panagtudtudo ken naglupyas pay dagiti karayan iti nasao a lugar .
