Nakapadas ti panaglayus ti aganay 38 a lugar ditoy Luzon gapo kadagiti panagtudo gna inggubuay ti Bagyong Bising ken Habagat.
Laksid iti daitoy ket impadamag ni Office of the Civil Defense (OCD) officer-in-charge Assistant Secretary Bernardo Rafaelito Alejandro IV nga awan pay ti pimmusay wenno napukpukaw agingga ita.
Impunto pay ti opisyal nga awan ti nalawa a nga insidente ti panaglayus saan a kas kadagiti napalabas a tawen a agsasaruno dagiti dimmuprak a bagyo.
Iti agdama ket banbantayan ti ahensiya iti sitwasyon idiay probinsya ti Pangasinan gapo iti posibilidad nga umapaw ti Agno River a mabalin a rason ti panaglayus kadagiti kabangibang a lugar.
Itay alas singko ti bigat ket naan-anayen a nakaruar ditoy pagilian ti Bagyong Bising kalpasan ti panagserrek na manen iti Philippine Area of Responsibility idi rabii ti Dominggo.
