LA UNION – Natay iti maysa a pedestrian kalpasan a madungpar iti Fariñas bus, iti kawatiwatan ti national highway idiay Barangay San Pablo, Balaoan, La Union itay laeng parbangon.
Base iti report, dead-on-arrival idiay Balaoan District Hospital iti 39-anyos a mister a managan Pepito Ortiza, residente ti Barangay Rissing Bangar, La Union gapu iti sinagaba na a nakaru a pannakadangran kalpasan ti aksidente.
Kabayatanna, iti met respondent driver ti bus a ni Jay Agpaoa, 31, ti Barangay Columbia, Vintar, Ilocos Norte ket dagus a simmuko ken adda ita iti custodiya ti Bangar Police Station para iti umno a disposisyon.
Iti inisyal a report dagiti otoridad, bumallasiw koma ti biktima iti kalsada idi nadungpar daytoy ti sumung-sungad a bus.
