BR LA UNION – Kinumpirma ti Philippine National Police (PNP) a natayen dagiti uppat nga indibidwal a nakipinnaltog kadagiti otoridad idiay Arayat, Pampanga.
Kinuna ni PCol Allen Rae Co, hepe ti Public Information Office (PIO) ti Philippine Naitonal Police, a nirespondian dagiti otoridad iti report gaputi inaramid a pammaltog dagiti uppat a suspek.
Idi simmangpet dagiti otoridad, nakisinnukat ti putok dagiti suspek a nakatirwan dagitoy.
Naiturong da iti ospital ngem saan a nagbayag ket natay met laeng dagitoy.
Inwaragawag ni PCoL. Co a maysa kadagiti suspek ket addaan ti kaso a pammapatay iti sumagmamano a pulitiko iti nasao a lugar.
Iti agdama, dukduktalen dagiti pulis nu adda pay ti dadduma a kakadwa dagiti suspek.
Agtultuloy iti isay-sayangkat nga imbestigasyon dagiti otoridad iti nasao nga insidente.
