LA UNION – Uppat a weather systems iti mangapektar ita ti panawen iti intero a pagilian ken mangigubway iti nakuyem a tangatang, mawaras-waras ken mapatto-pattok a panagtudo ken panaggarru-od.
Dagitoy ket iti Northeasterly Surface Windflow, Shear Line, Easterlies, ken Localized Thunderstorms.
Idiay Batanes, maaddaan ti nakuyem a tangatang ken panagtudo gaputi Northeasterly Surface Windflow.
Idiay Babuyan Islands ket maaddaan ti nakuyem a tangatang ken mawaras-waras a panagtudo ken panaggarru-od gaputi Shear Line.
Idiay Caraga ken Northern Mindanao ket maaddaan ti nakuyem a tangatang, mawaras-waras a panagtudo ken panaggarru-od gaputi
Easterlies.
Idiay Bicol Region, Eastern Visayas, ken Davao Region ket makapadas ti apagapaman a nakuyem a panawen, mapatto-pattok a panagtudo wenno panaggarru-od gaputi Easterlies.
Bayat nga idiay Metro Manila ken nabatbati a paset ti pagilian ket addaan ti apagapaman a nalulem a panawen, mapatto-pattok a panagtudo wenno panaggarru-od kas epekto ti agraraira a Localized Thunderstorms.
Posible latta iti panaglayos ken landslides nu napigsa ti buyat ti tudo.
