LA UNION – Isagsaganan ti pulisya ti kaso kontra kadagiti uppat a babbai a naaktuan nga agsusugal idiay Barangay Camilo Osias, ili ti Balaoan, La Union.
Naammuan ti Bombo Radyo manipud ti Balaoan Police Station, madama iti panagay-ayam ti lucky nine dagiti suspek idi a masengpetran daytoy dagiti otoridad.
Kinumpiskar met iti pulisya, ti inusarda a baraha ken P1,150 kwarta a pagtaytaya dagitoy.
