BR LA UNION – Narekobre iti uppat nga exotic tarantula babaen ti Philippine National Police Maritime Group idiay Olongapo City, Zambales.
Segun iti Department of Environment and Natural Resources (DENR) Central Luzon kabilang dagiti narekobre ket iti Chaco golden knee, Mexican flame, Mexican fireleg, ken curly hair tarantula.
Dagus met nga inturn-over dagiti pulis dagiti nasao a lawa-lawa iti DENR para iti umno a disposisyon.
Idi agangay, naiturong dagitoy iti maysa a wildlife rescue center idiay Olongapo para iti panangamiris ken natalged a panangaywan.
Nagyaman met ti DENR iti PNP Maritime Group iti panang-turn over kadagiti nasao nga ayop ken naipaganetget a responsibilidad ti amin iti panangaywan ti wildlife.
Nagpalagip pay ti DENR iti publiko a nairut a kontrolen ti Republic Act No. 9147 wenno Wildlife Resources Conservation and Protection Act iti panagtagikua, panagibiyahe ken panaglako iti wildlife, kabilang dagiti exotic species.
Segun iti DENR, nasken a maki-koordinar na nga umuna dagiti tattao nga adda plano na a gumatang, makakita, ken mangibulos iti exotic wildlife iti ahensya.
Kabayatanna, nagballaag dagiti otoridad a nupay saan a makapatay ti sabidong ti tarantula, mabalin met a mangigubway ti iritasyon iti kudil, mata ken airways gau kadagiti babassit a dutdut daytoy.
