Agtultuloy nga am-amuen dagiti otoridad iti pakabigbiggan ti supek a nangitaray iti kuarta ken alahas ti maysa a negosyante idiay ili ti Rosario, La Union.
Base iti imbestigasyon ti Rosario Police, imbati ti 47 anyos a negosyante idiay karenderia na ti empliyado tapno agbantay agsipudta agturong isuna idiay palengke tapno gumatang ti kanayunan a rekado para iti tagilako na.
Maipagarop nga immasideg tu suspek iti helper a ni alyas Rachell tapno gumatang ti tinapay.
Idi nagsubli ni alyas Rachell iti suspek ket awanen daytoy kasta met ti bag nga imbati ti biktima a naglaon ti P20,000 nga cash ken dagiti alahas nga agbalor ti P90,000 pesos.
Am-amuwen pay dagiti otoridad no adda CCTV ii nakapasamakan ti insidente tapno dagus a maamuan ti pakabigbiggan iti suspek.
