Naiyakaren idiay Camp Crame dagiti uppat a naarestar a suspek a karaman iti pammapatay kenni Negros Oriental Governor Roel Degamo.
Segun ken ni Police Colonel Jean Fajardo, spokesperson iti Philippine National Police (PNP), dagiti uppat ket adda itan ita iti PNP Custodial Center.
Ti pannakiuman ti Bombo Radyo La Union ken ni P/Lt. Col. Gerard Pelare, naiforwarden ti complaints kontra kadagiti uppat a suspek ti kaso a multiple murder ken frustated Murder.
Dua kadakuada ket nag-execute iti extra judicial affidavits nga adda itan ti custodiya ti Department of Justice ken maikon-konsidera a maipasidong dagitoy iti witness protection program (WPP).
Innayonnapay a bayat ti ar-aramidenda a pursuit kadagiti nabatbati a suspek, dagiti nakalapda nga ebidensya ket naipasidongen iti scientific ken foreignsic examination para iti naan-anay a panagsukimat para ti pannakaidatag ti kaso kontra kadagiti suspek.
MAlaksid kadagiti uppat a natiliw babaen ti pursuit operation, kinuna ni Pelare nga adda ti lima agingga pito nga indibidwal a karaman ti panangpapatay malaksid pay laeng iti mastermind ti nasao nga krimen nga isu iti agdama a sapsapulenda babaen ti hot pursuit operation.
INnayonpay ni Pelare a dagiti immunan nga uppat a natiliw a suspek ket nabiripika a sigud a kameng ti Military ngem nabayag dagitoyen a nadishonorably discharge ken saandan a konektado ti Philippine Army.
Dagiti met narekobre nga ebidensya ket dagiti firearms nga inusar dagiti suspek, 7 nga assault riffles, dua a short firearms wenno RPG, ammunitions ken daddumapay a combat paraphenalia. Karaman pay a nakarekobre iti bullet proof vest nga iti agdama ket adda dagitoy ti kustodiya ti pulisya.
Iti agdama, addan dagiti nakaiwaras a kapulisan para ti panangkita ti seguridad ti pamilya dagiti natayen nangruna ti pamilya no Gov. Degamo.
Adda metten ti Philippine National Police ken Armed Forces of the Philippines a nakaiwaras iti intero a Negros Oriental ken kadagiti kabangibang nga lugar para iti manhunt operation.
Ngem innayonna pay a nakamamimize dagitoy tapno mapagtalinaed iti kinatalged ken ti seguridad ti nasao a lugar.
