LA UNION – Naaresto dagiti uppat a tattao a maipagarup nga agsusugal idiay Barangay Canaoay, syudad ti San Fernanro, La Union.
Naammuan ti Bombo Radyo manipud iti San Fernando City Police, naaktuan iti pulis dagiti suspek a madama nga agay-ayayam iti baraha.
Malaksid ti baraha, nakompiskar pay manipud iti ikot dagitoy ti P270 nga ar-aramatenda a pagpataytaya.
Kabayatanna, naidatag metten ti kaso a panaglabasing iti anti-illegal gambling law kontra kadagiti suspek.
