LA UNION – Nataming iti ospital ditoy syudad ti San Fernando iti uppat nga agtutubo kalpasan a nairaman dagitoy iti self vehicular accident iti national highway, a sakop ti Barangay Ili Sur, San Juan, La Union.
Iti kotse a minaneho iti managan John Cuanto, 18-anyos, taga Itogon, Benguet ket naaksidente iti pakurbada a paset ti kalsada.
Kas resulta, nagsagaba iti pannakadun-dunor ni Cuanto agraman dagiti 3 pay a kakadwa na nga isuda Arvie Oslava, Andrei oslava, ken Nicolai Duldulao, agpapada a residente ti Baguio City.
Base iti report, napaspas iti taray ti behikulo nga agturong iti abagatan a direksiyon, idi naikayas ti lugan iti amianan a ngalay ti kalsada.
Nagpasar met iti pannakadadael iti kotse ngem saan pay nga ammo iti kabuklan a kantidad ti perdisyon daytoy.
