BR LA UNION – Umabot ti 44 nga ubbing iti nabenipisyaran iti Mass Baptism idiay St. Michael the Archangel Parish nga inyuswat ti lokal a gobyerno ti Bacnotan, La Union.
Dagiti naggi-giddan a nabunyagan nga ubbing ket agtawen manipud lima a bulan agingga 8 years old. Iti Thanksgiving Mass ken Mass Baptism ket indaulwan ni Rev. Fr. Kenneth Amante.
Kalpasan iti seremonya, nagbalin a naragsak dagiti nagannak, dagiti ubbing, ken bisita agsipudta impaayan pay ti lokal a gobyerno dagiti ubbing iti regalo, libre a photo album, bastante a taraon a nagsasangwan dagitoy, nga indaulwan ti Municipal Civil Registry Office (MCRO).
Tarigagay ti lokal a gobyerno nga ipaayan ti spiritual guidance ken bendisyon dagiti ubbing babaen ti nasao a sakramento.
Iti nasao nga aktidad ket paset pay laeng iti naragsak a selebrasyon ti ili a Diro Festival 2025, a nangrugi idi Mayo uno agingga agtapos ti agdama a bulan.
