Pormalen nangrugi ita nga aldaw ti panaglukat ti 46th ASEAN Summit 2025 sadiay Kuala Lumpur Malaysia.
Eksakto alas-8:30 ti bigat idi nangrugi a nagsasangpet dagiti leaders manipud Southeast Asian Nations.
Maysa-maysa a sinarungkar ni Malaysian Prime Minister Anwar Ibrahim iti naangay a welcome ceremony dagitoy a napasarunuan met ti Plenary session para ti panangilatag da ti agenda a madakamat iti summit.
Karaman kadagiti pagsasaritaan dagiti ASEAN leaders ket ti regional ken global challenges, karaman ti developments iti West Philippines Sea, sitwasyon idiay Myanmar, maritime security, climate change, ekonomiya, ken digital disruption.
Immuna metten nga imbatad ni Presidente Ferdinand Marcos Junior nga itandudo na ti panagpapartak ti negosasyon para ti Code of Conduct sadiay West Philippine Sea, South China Sea, kasta met ti ethical ken responsible Artificial Intelligence (AI) regional framework.
Manipud iti panagbetla ni Malaysian Prime Minister Anwar Ibrahim iti plenary session, nabara a kinablaawan na dagiti ASEAN leaders a pammaneknek iti commitment na. Impaganetget ni Ibrahim ti kinapateg ti ASEAN Summit para ti lalo pay a panagdur-as ti rehiyon ken ti panagbalin a resiliente iti panagsango kadagiti nagduduma a karit.
Nakaragsakan met ni Ibrahim nga agmaymaysa ti ASEAN. Impannakkel na nga ti umuna a gundaway ket mapagtaripnonga ti ASEAN-GCC China Summit a panggep a palawaen pay ti partnership da nu kasta ket maitandudo ti multilateral system ken masiguro ti ASEAN-GCC China geo-economic model.
Imbatad na a nagsurat kenkuana ni US President Donald Trump ken kiniddaw daitoy iti panagbukel ti US -ASEAN meeting kasaruno ti panangipaulog na kadagiti nagkakadagsen a taripa
