LA UNION – Nasarakan laengen nga awananen iti biag ti maysa a 5-anyos nga ubing kalpasan a nalmes iti dam idiay Barangay Udiao, Rosario, La Union.
Nabigbig ti biktima a ni John Rey Cansilier, residente ti Camp 1.
Maibasar iti salaysay iti pulisia ti kabsatna a ni Ian Roy, agtawen iti pito, inlanadna a nagturongda iti dam idi kellaat a nagpukaw ti kabsatna a ni Joh Rey.
Nagapura daytoy nga agawid tapno agpaarayat ngem iti panagsublida, naudin ti amin gapu ta nasarakanda ti kabsatna a tumtumpaw iti ababaw a paset ti dam ken awananen iti anges.
Naitaray pay daytoy iti ospital ngem naideklara a dead on arrival.
