Naglibakan dagiti natiliw iti naisayangkat nga buy bust operation idiay Barangay Bitalag, Bacnotan, La Union idi malem kalman.
Nabigbig dagiti suspek nga isuda Andrew Ordonio, residente ti Barangay Pantar, Richard Tangalin, ti Barangay Camiling, Nely Reyes ti Barangay Antonino ti ili a Balaoan, Raiza Pangan, ti Barangay Parian ken Richard Chan ti Barangay Dalumpinas iti syudad ti San Fernando, La Union.
Immuna ditoy, nangisayangkat ti buy bust operation ti Bacnotan Police idiay Barangay Bitalan no sadino immuna a nakagatang ti operatiba ti maatap a shabu kenni Reyes. Nakumpiskar kenkuana ti P5,000 peso bill, cellphone ken ti motorsiklo daytoy. Nagatang met iti operatiba ti maipagarop a shabu kenni Chan. Nakumpiskar kenkuana ti 2 a sachet ti maatap nga droga, cellphone ken P500 peso bill. Naudi a nakagatang dagiti operatiba kenni Pangan no sadino nakumpiskar kenkuana ti P500 peso bill ken 1 a sachet ti maatap nga shabu ken cellphone.
Iti pannakiuman ti Bombo Radyo kenni Reyes kinuna na a saan na a kukua ti droga ken inkalintegan na a saanen daytoy nga agus-usar. Segun met kenni Pangan, saan na nga ammo no naggapuan na ti droga a nagatang kenkuana dagiti otoridad. Bayat a no comment ni Chan iti insidente.
Karaman pay nga naiturong iti kustodiya ti Bacnotan Police ni Ordonio ken Tangalin no sadino nakaala kadagiti maatap a shabu iti lugan iti umun-una.
Naamuan a siguden nga natiliw ken naibalud gapu iti illigal nga droga da Tangalin, Pangan ken Reyes.
Maur-uray iti pannakaiturong iti korte dagiti suspek ken pannakaidatag ti kaso kontra kadakuada.
