Inarestar dagiti otoridad ti 5 nga indibidual gapu iti panagsusugal dagitoy idiay Barangay Cabaroan, San Fernando City, La Union.
Pakaibilangan dagitoy ti 55 anyos a mister, 43 anyos a baro, agpada nga residente iti Barangay Cabaroan, 62 anyos a mister residente ti Barangay Dallangayan Este, 48 anyos mister, residente ti Barangay Dallangayan Oeste, ken 66 anyos a mister nga taga Barangay Ilocano Sur, ditoy syudad.
Immuna ditoy nangisayangkat ti anti illegal gambling operation dagiti otoridad iti nasao nga lugar nga nakakumpiskaranda ti (1) set ti bara ken P55 pesos a bet money kalpasan a maaktuan nga agay-ay-ayam dagitoy iti Lucky 9.
Agtaltalinaed ita dagiti natiliw iti kuerpo ti pulisya ken manamnama a maidatagan dagitoy iti panaglabsing iti RA 1602.
