BR LA UNION – Maldaangan ken nasakit ti nakem ni Katelyn Bulacan, addaan umno nga edad, residente ti Purok 5, Barangay San Nicolas, Agoo, La Union.
Daytoy ket kalpasan a matakuatan na natay dagiti lima a tarakenna nga aso nga agpapada a babbai, color brown, white ken black.
Segun kenni Katelyn, alas 4:30 ti parbangon idi kallabes nga aldaw idi maduktalanda ti pannakasabidong dagiti tarakenda nga aso.
Kalpasan ti insidente, inaklon ti kaarubana nga agtawen ti 21, estudyante, residente ti nasao a barangay ken kaanakan mismo ti biktima nga isuna ti adda ti likodan iti pannakasabidong dagiti taraken nga aso.
Mainaig ti daytoy, nakatuding nga agsango dagiti dua a kampo, iti biang ti konseho barangay.
