Pinaneknekan ti 5-time champion a Brazil ti dominasionda iti football field kalpasan a nangabakda iti Scotland idi Hunio 25, babaen ti iskor a 3-0.
Ti panagballigi ti Brazil ti nangselio iti kangatuan a puesto iti Group C.
Pito minuto pay laeng iti first half ti ay-ayam, dagus a nangipakita ti kinalaing ti Real Madrid a ni Vinícius Júnior, kalpasan a ginundawayanna ti panagbiddut ti depensa ti Scotland tapno makaiskor iti umuna a goal, 1-0.
Sakbay a nagpatingga ti first-half stoppage time, nag-score manen ni Vini Jr. para iti brace, a nangnayon iti lamang ti South American powerhouse iti 2-0.
Iti iseserrek ti maika-60 a minuto iti second half, naan-anay a tinambakan ti Brazil iti Tartan Army idi naka-score ni Matheus Cunha ti maikatlo ken maudi a goal ti laban, iti tulong ti assist manipud iti kalaban a team.
Gapu iti daytoy a panagballigi, nakastreken ti Brazil iti Round of 32 kas Group C leader. Kabayatanna, addaan ti Scotland iti tallo a puntos ken agur-uray no makastrek kas maysa kadagiti best third-placed teams iti agtultuloy a World Cup.###
