LA UNION – Nabiktima ti robbery ni 2018 Miss Universe Catriona Gray idiay London.
Iti IG story ti beauty queen, imbinglayna iti ladawan ti lugan da a nabuong iti glass window ken nakabilan ti caption a natakawan da idi nag-stop dagitoy tapno mangngaldaw bayat nga agturong da nga agturong iti airport.
Inlanad pay ni Catriona a natakaw iti pasaporte da ken napapateg nga arwaten.
Kinuna na a traumatized daytoy kalpasan ti carjacking incident.
Maibasar iti immuna nga IG posts ni Catriona, adda iti roadtrip daytoy kadwa na dagiti nagannak na idiay United Kingdom manipud London agturong idiay Scotland, iti hometown ti ama na ngem nagsubli da met idiay London idi napasamak ti insidente.
Imbaga ni Catriona a first time na nga agturong idiay Scotland ken first time met para iti ama na nga agsubli iti homeland na, sipud nag-migrate idiay Australia idi agtawen ti 7 idi 1952.
