BR LA UNION – Mailukat iti publiko ti agbalin a confirmation of charges hearing ni sigud a Presidente Rodrigo Duterte a nakatuding inton Pebrero-23, 2025, lima a bulan sipud idi naitantan ti orihinal a petsa a September-23, 2025.
Maibasar iti abiso nga inruar ti ICC, para iti siasinuman a kayatna ti agbuya ti hearing, suruten ti ‘first come, first served’ basis, agsipudta limitado laeng ti pastreken iti uneg ti public gallery.
Rumbeng a sumangpet dagiti agbuya iti korte, maysa nga oras sakbay iti nakatuding a panagrugi ti hearing.
Para kadagiti miyembro ti diplomatic corps ken civil society organizations, kasapolan nga ag-request dagitoy ti attendance sakbay ti Pebrero 16, 2026.
Kasapolan a mangipakita dagitoy ti valid passport wenno valid ID iti main entrance ti korte.
Para kadagiti journalist a kayatna ti ag-cover iti hearing, kasapolan nga ag-request dagitoy iti Public Affairs Unit ti ICC sakbay nga ag-Pebrero 16.
Kasapolan a makai-parang dagitoy ti valid press card, passport, wenno ID nga addaan ti picture.
Mapawilan ti publiko a mangala ti ladawan ken video iti uneg ti court building, malaksid kadagiti miyembro ti media.
Pinalagipan pay ti publiko nga obserbaran ti umiso a decurom iti uneg ti korte.
Adda maisayangkat a livestreaming iti nasao a hearing ngem madelay laeng ti 30 mins, kas met laeng iti immun-una nga hearing idiay international tribunal.
Segun iti ICC, naituding ti panagdengngeg inton Pebrero 23, 24, 26, ken 27 idiay Courtroom 1 ti international tribunal.
Adda maaramid nga oral submissions iti Prosecution, Defence ken iti Legal Representatives of Victims, tapno ipresenta ti bukod da nga argumento.
