Sumagmamano a uniformed personnel iti PRO1 ti narelieve manipud kadagiti nadumaduma a pwesto dagitoy.
Daytoy ti inanunsyo ni Region 1 Police Director Police Brigadier General Rodolfo Azurin Jr.
Segun kenni Azurin, narelieved iti pwesto dagiti nadumaduma nga area of assignment dagiti 50 PNP personnel tapno mapapigsa pay ti crime efficiency ken panangakem kadagiti responsibilidad dagitoy.
Dagiti narelieved a personnel ket maipasidong iti unit training a naawagan iti PRO1 Caliber .45 nga adda tarigagay a mapapigsa ken mailinteg ti kapabilidad dagiti PNP personnel agturong iti panagbalin dagitoy a responsable, respetado, ken disiplinado babaen iti formula a Malasakit, Kaayusan, Kapayapaan equals Kaunlaran.
Ti nadakamat a training ket maiyannurot iti 9-point agenda iti Chief PNP PGen. Camilo Pancratius Cascolan.
Karaman kadagiti naipasidong iti PRO1 CALIBER .45 Unit Training ket sumagmamano a PNP Personnel manipud San Manuel Municipal Police Station, Asingan MPS, Sta Maria MPS, San Nicolas MPS, Sto Tomas MPS, Balungao MPS, Urdaneta CPS ken Binalonan MPS, amin a Pangasinan Police Provincial Office; San Vicente Municipal Police Station of Ilocos Sur Police Provincial Office ken Luna MPS nga adda iti sidong ti La Union Police Provincial Office.
