LA UNION – Umabot ti 50 violators iti inarestar dagiti kameng ti San Fernando City Police Station sipud naiyuswat ti OPLAN: (RODY) wenno Rid the Streets of Drunkards and Youths idi napan a lawas.
Segun kenni P/Supt. John Guiagui, agdama a chief-of-police ditoy syudad, dagiti nasao a violators ket naglabsing kadagiti city ordinances a kas iti curfew on minors, smoking and drinking in public places.
Nupay kasta, inlawlawag ni Guiagui, a dagiti makita da a nakatakder iti igid ti kalsada ket saan a matiliw ngem sitaen dagiti otoridad babaen iti panangsalodsod kadagitoy nu anya iti ar-aramiden da iti dayta a lugar, nagan ken sadino a lugar ti nanggapwan dagitoy.
Kinuna na a bag-bagaan da umuna dagiti masita nga indibidual sakbay da a palubosan.
