LA UNION – Nadiskubre ti Israeli military iti bangkay dagiti innem a kinawtibo ti Hamas idiay Gaza Strip.
Nadetermina ti lugar dagiti bangkay iti maysa nga underground tunnel idiay Rafah.
Nabigbig dagitoy nga isuda Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi ken Master Sgt Ori Danino.
Kinuna ni Spokesman Rear Admiral Daniel Hagari a maibasar iti inisyal nga assessment, brutal a pinatay ti Hamas dagiti biktima.
Impabasol met ni senior Hamas official Izzat al-Rishq ti Israel iti pannakatay dagiti hostage gapu iti saan da a panagpirma ti ceasefire deal.
Siniguro ni Israeli Prime Minister Benjamin Netanyahu a saan da nga agsardeng agingga a saan da a mapagsungbat dagiti adda ti likod ti brutal a pammapatay.
